"ინდური შტამი" სარბიელზე უკვე გახდა მოთამაშე, ის ბრიტანულზე 50%-ით სწრაფად ვრცელდება და კიდევ უფრო მძიმე შემთხვევებს იძლევა - თენგიზ ცერცვაძე
ინფექციური საავადმყოფოს გენერალური დირექტორის, თენგიზ ცერცვაძის განცხადებით, „ინდური შტამი“ სარბიელზე უკვე გახდა მოთამაშე.
როგორც ცერცვაძემ „პალიტრანიუსის“ გადაცემაში „პოლიტ - ქალაქი“ განაცხადა, ის ბრიტანულზე 50%-ით სწრაფ ვრცელდება და კიდევ უფრო მძიმე შემთხვევებს იძლევა
„ინდური შტამი“, რომელიც ჩვენთან უკვე 20 პროცენტია, უკვე გახდა სარბიელზე მოთამაშე. ის ბრიტანულზე 50 პროცენტით კიდევ უფრო სწრაფ გავრცელებას იძლევა და კიდევ უფრო მძიმე შემთხვევებს. თქვენ რომ კლინიკებში შეხვიდეთ, მე ყოველდღე დავდივარ, სისტემური ანალიზის გარეშე ნახავთ, რომ გაცილებით გაზრდილია მძიმე ავადმყოფების რაოდენობა - ჟანგბადდამოკიდებულების, სარეანიმაციო ავადმყოფების. ამ პერიოდში, მესამე ტალღაში სიკვდილობის მაღალი მაჩვენებლები მეორე ტალღასთან შეადრებით, გამოწვეულია იმით, რომ ჯერ ბრიტანულმა, შემდეგ ინდურმა შტამმა მოგვცა გაცილებით მეტი მძიმე შემთხვევა და მეტი სიკვდილობა“, - აღნიშნა ცერცვაძემ.
