"მოიტანეთ თქვენი კამერები და მიკროფონები და დავაწყოთ მიწაზე. დაინახოს მთელმა მსოფლიოს, რომ საქართველოში ხელისუფლება ხოცავს ჟურნალისტებს!" - ვახო სანაია კოლეგებს მიმართავს
ჟურნალისტი ვახო სანაია კოლეგებს მიმართავს და "ტვ პირველის" ოპერატორის, ლექსო ლაშქარავას გარდაცვალების გამო, პროტესტისგამოხატვისკენ მოუწოდებს:
"ყველა ჟურნალისტსა და ოპერატორს!
მოიტანეთ თქვენი კამერები და მიკროფონები დღეს 6 საათზე რუსთაველზე და დავაწყოთ მიწაზე. დაინახოს მთელმა მსოფლიოს, რომ საქართველოში ხელისუფლება ხოცავს ჟურნალისტებს!
ლექსოსთვის!", - წერს სანაია ფეისბუქზე.
შეგახსენებთ, რომ "ტვ პირველის" ოპერატორი, ლექსო ლაშქარავა 5 ივლისს, თბილისში პროფესიული მოვალეობის შესრულების დროს რადიკალებმა სასტიკად სცემეს. მას სახის ძვლები ჰქონდა ჩამტვრეული და კლინიკაში რამდენიმე დღე იმყოფებოდა. ლექსო დღეს დილით დედამ გარდაცვლილი იპოვა. ჯერჯერობით დაუდგენელია მისი გარდაცვალების მიწეზი. შსსს-მ ფაქტზე უკვე დაიწყო გამოძიება.
