"გლოვაშიც კი პოლიტიკურ პერფორმანსს დგამენ..." - შალვა პაპუაშვილი ლექსო ლაშქარავას დაკრძალვაზე
"ქართული ოცნების" წევრი, შალვა პაპუაშვილი "ტვ პირველის" ოპერატორის, ლექსო ლაშქარავას დაკვრძალვას სოციალურ ქსელში ეხმაურეაბ:
"გლოვაშიც კი პოლიტიკურ პერფორმანსს დგამენ. კადრებს არჩევენ.
დრონით გადაღებული ჩასვენება...
მკვლელობაზე საუბრობენ. სინამდვილეში კი, დღეს, მათ თავად მოკლეს მედია", - წერს პაპუაშვილი ფეისბუქზე.
შეგახსენებთ, რომ "ტვ პირველის" ოპერატორი, ლექსო ლაშქარავა 5 ივლისს, თბილისში პროფესიული მოვალეობის შესრულების დროს რადიკალებმა სასტიკად სცემეს. მას სახის ძვლები ჰქონდა ჩამტვრეული და კლინიკაში რამდენიმე დღე იმყოფებოდა. ლექსო 11 ივლისის დილით დედამ გარდაცვლილი იპოვა. შსსს-მ ფაქტზე გამოძიება სისხლის სამართლის კოდექსის 115-ე მიხლით დაიწყო, რაც თვითმკვლელობამდე მიყვანას გულისხმობს. უწყება გარდაცვალების ერთ-ერთ ვერსიად ნარკოტიკულ ზედოზირებას ასახელებს.
ლექსო ლაშქარავა დღეს დაკრძალეს. დაკრძალვის პროცესიას ათეულობით ადამიანი ესწრებოდა, ოპერატორი უკანასკნელ გზაზე კოლეგებმა და საზოგადოების წარმომადგენლებმა ტაშით გააცილეს.
