ომალოში გალავანი ჩამოინგრა, ტურისტებს ვერტმფრენით გადმოიყვანენ
უხვი ნალექის შედეგად, ახმეტის მუნიციპალიტეტის სოფელ ომალოში მე-18 საუკუნის დროინდელი კესელოს ციხის გალავნის ნაწილი ჩამოინგრა.
გაწმენდითი სამუშაოები მოსალოდნელი საფრთხეების შეფასების შემდეგ დაიწყება. დღესვე ვერტმფრენის მეშვეობით, თუშეთიდან ტურისტებს გადმოიყვანენ.
პრობლემები შეიქმნა ასევე ფშაველი-აბანო-ომალოს საავტომობილო გზის 56-ე კილომეტრზეც. სადაც გზებზე ქვა-ღორღი ჩამოიშალა. ზოგან კი მეწყრული პროცესები განვითარდა.
