"2012 წლის ცნობილი აქციის ერთ-ერთი ორგანიზატორი ვიყავი, შემიძლია გითხრათ, რომ დღევანდელი აქცია იგივე მასშტაბის იყო" - გია ხუხაშვილი
ანალიტიკოსი გია ხუხაშვილი დღეს, თბილისში საქართველოს მესამე პრეზიდენტის, მიხეილ სააკაშვილის მხარდასაჭერად გამართულ აქციას აფასებს:
"რადგან 2012 წლის ცნობილი აქციის ერთ-ერთი ორგანიზატორი ვიყავი, შემიძლია გითხრათ, რომ ჩემი შეფასებით დღევანდელი აქცია იგივე მასშტაბის იყო +/- 3%
მაშინაც და დღესაც მთავარი მოქმედი პირები ბიძინა და მიშა იყვნენ - მაშინ ბიძინა+მიშა-, ახლა პირიქით მიშა+ბიძინა", - წერს გია ხუხაშვილი.
ცნობისთვის, თბილისში, თავისუფლების მოედანზე საპყრობილეში მყოფი საქართველოს მესამე პრეზიდენტის, მიხეილ სააკაშვილის მხარდამჭერი მრავალათასიანი აქცია გაიმართა.
