ფიზიკური დაპირისპირება ყარაჯალაში – ინციდენტისას 3 ადამიანი დაშავდა
თელავის მუნიციპალიტეტის სოფელ ყარაჯალაში, ფიზიკური დაპირისპირების დროს, 3 ადგილობრივი დაშავდა. ინციდენტი გვიან ღამით მოხდა.
თვითმხილველების ინფორმაციით, არაფხიზელ მდგომარეობაში მყოფ მამაკაცებს შორის ყოფით ნიადაგზე დაწყებული სიტყვიერი დაპირისპირება ფიზიკურში გადაიზარდა, რის შემდეგაც ადგილზე პოლიცია გამოიძახეს.
ინციდენტში მონაწილე პირები სამართალდამცველებს არ დაემორჩილნენ, რამაც მათ შორის დაძაბულობა გამოიწვია. თუმცა, სამართალდამცველების დამატებითმა ჯგუფმა ვითარება მალევე განმუხტა.
სამივე დაზარალებული თელავის რეფერალურ საავადმყოფოშია გადაყვანილი.
