ტყვიაც კი არ მოგვკლავს, იმდენად მართლები ვართ! - ნიკა მელია
„ნაციონალური მოძრაობის“ თავმჯდომარე, ნიკა მელია საქართველოს სახელმწიფო უსაფრთხოების სამსახურის უფროსს, გრიგოლ ლილუაშვილს მიმართავს.
„ვერ გატეხავ ლილუაშვილო მართალ ადამიანს მიხეილ სააკაშვილის, ელენე ხოშტარიას სახით! ვერ გატეხავ თითოეულ ჩვენგანს, იმიტომ, რომ მართლები ვართ! ტყვიაც კი არ მოგვკლავს, იმდენად მართლები ვართ! წამებასა და არაადამიანურ მოპყრობას აქვს მიხეილ სააკაშვილისადმი ადგილი, მაგრამ ხომ დარწმუნდით ლილუაშვილო, რომ მართალ ადამიანს ვერ ტეხავ. ვერ გატეხავ მართალ ადამიანს მიხეილ სააკაშვილის სახით! ვერ გატეხავ მართალ ადამიანს ელენე ხოშტარიას სახით! ვერ გატეხავთ თითოეულ ჩვენგანს, იმიტომ, რომ მართლები ვართ! ტყვიაც კი არ მოგვკლავს, იმდენად მართლები ვართ! ამას უნდა მიხვდეთ და მთავარი, რაც გაშინებთ, არ დაგიმალავთ, ძალიან მსიამოვნებს, რომ ზუსტად იქ გაჭერთ წიხლს, სადაც ყველაზე მეტად გტკივათ. ჩვენი მშვიდობიანი და უკიდურესად მაღალი ემოციური საპროტესტო აქციებით განგრევთ. ეს ისაა, რასაც არ ელოდით“,- განაცხადა მელიამ.
