"მინდა მივმართო ელენე ხოშტარიას უდიდესი პატივისცემით" - მიხეილ სააკაშვილი ელენე ხოშტარიას შიმშილობის შეწყვეტისკენ მოუწოდებს
საქართველოს მესამე პრეზიდენტი მიხეილ სააკაშვილი "დროას" ლიდერს ელენე ხოშტარიას შიმშილობის შეწყვეტისკენ მოუწოდებს.
"მინდა მივმართო ელენე ხოშტარიას უდიდესი პატივისცემით და მადლიერებით, ბოლო დღეებში მისი გადაუჭარბებლად, რომ ვთქვათ გმირული და პატრიოტული საქციელის გამო და მოვუწოდო გულმხურვალედ, ჩემი ამ გადაწყვეტილების საფუძველზე დაუყოვნებლივ შეწყვიტოს მისი ჯანმრთელობისთვის საშიში შიმშილობის პროცესი", - აღნიშნულია მიხეილ სააკაშვილის წერილში.
ცნობისთვის, 3 ნოემბერს, პარტია "დროას" ლიდერმა ელენე ხოშტარიამ პარლამენტის შენობაში შიმშილობა დაიწყო.
