"შოკირებული გამოვდივარ აფთიაქიდან და მაღაზიიდან... შიმშილი რამდენს კლავს და აავადმყოფებს, ვიცით?" - ბაია პატარაია
სამოქაალქო აქტივისტი და ქალთა უფლებადამცველი, ბაია პატარაია სურსათსა და მედიკამენტებზე გაზრდილ ფასებს სოციალურ ქსელში ეხმაურება:
"უკვე ყველა ჯერზე შოკირებული გამოვდივარ აფთიაქიდან და მაღაზიიდან. მე ვერ ვხვდები, რითი სულდგმულობს ამ ქვეყნის უმრავლესობა. საერთოდ რაში ჰყოფნით ან პენსია, ან სოც.დახმარება, ან მასწავლებლის ხელფასი...
ძალიან ბევრი ხალხი შიმშილობს, წარმოუდგენელია ამ ფასებით და მცირე ხელფასით/შემწეობით ვინმემ თავი ირჩინოს.
ან ამას ასე წყნარად როგორ ვიტანთ, ან გარემოვაჭრეების დარბევის უფლებას როგორ ვაძლევთ ჩვენ ხარჯზე მილიონერებად ქცეულ ქოც-ელიტას, პირდაპირ ბიუჯეტის მხაპავებს და მხოლოდ კორუფციით გამდიდრებულებს?!
არც კი ვიცი, რა უნდა ვქნათ... მაგრამ ასე ვუყუროთ? კორონა როგორ კლავს 50 ადამიანს, მაგას ხო შევეჩვიეთ უკვე. შიმშილი რამდენს კლავს და აავადმყოფებს, ვიცით? ", - წერს პატარაია ფეისბუქზე.
