"ვაცხადებთ მასობრივ, საპროტესტო შიმშილობის აქციას" - ნიკა მელია
რუსთაველის გამზირზე მიმდინარე აქციაზე ერთიანი ნაციონალური მოძრაობის თავმჯდომარემ, ნიკა მელიამ სიტყვით გამოსვლისას მასობრივ საპროტესტო შიმშილობის აქციის დაწყება დაანონსა.
მე მეგობრებთან ერთად, ბევრ ადამიანთან ერთად და ვიქნებით იმაზე მეტნი, ვიდრე მავანს წარმოუდგენია – ვიწყებთ ახალ საეტაპო ბრძოლას, ჩვენ ვაცხადებთ მასობრივ, საპროტესტო შიმშილობის აქციას. ეს კონსტიტუციური უფლებაა, მაგრამ მძიმეა. ვერავის დავავალდებულებ, გადადგას ეს მძიმე ნაბიჯი, მაგრამ არ არის ამ რეჟიმის მოსვენების ფუფუნების დრო. რაც უფრო მასობრივი იქნება, რაც უფრო მაღალი იქნება კონსოლიდაცია, შედეგი იქნება უფრო მალე პოზიტიური. მთელმა მსოფლიომ უნდა დაინახოს, რომ არ ვეგუებით ქვეყნის მესამე პრეზიდენტის ტყვედ აყვანას”, – თქვა ნიკა მელიამ
