ქვეყანა, რომელიც ომშია, ნატოს წევრი ვერ გახდება - ოლაფ შოლცი უკრაინაზე
გერმანიის კანცლერმა, ოლაფ შოლცმა უკრაინის ნატოში მიწვევის შესაძლებლობა ამ ეტაპზე გამორიცხა და აღნიშნა, რომ ეს საკითხი დღის წესრიგში არ დგას. ამის შესახებ მან ZDF-თან ინტერვიუში განაცხადა.
შოლცის თქმით, უკრაინის ჩრდილოატლანტიკურ ალიანსში შესვლის პერსპექტივების შესახებ გადაწყვეტილებები ვაშინგტონისა და ვილნიუს სამიტებზე მიიღეს და „ამის მიღმა რაიმე ახალი გადაწყვეტილების საჭიროება ჯერ არ არის“.
"ქვეყანა, რომელიც ომშია, არ შეიძლება გახდეს ნატოს წევრი ეს ყველამ იცის და ამასთან დაკავშირებით უთანხმოება არ არსებობს,“ - აცხადებს შოლცი.
შეგახსენებთ, უკრაინის „გამარჯვების გეგმის“ პირველი პუნქტი ნატოში უკრაინის მოწვევას ეხება.
