ეს არის აბსურდი - თალაკვაძე ოპოზიციის ბრალდებებზე
საქართველოს პარლამენტის თავმჯდომარის მოადგილე, არჩილ თალაკვაძე ოპოზიციის ბრალდებებს, რომ დეპუტატებისთვის უფლებამოსილების შეწყვეტა პოლიტიკური დევნაა, აბსურდს უწოდებს.
"თვეების განმავლობაში ისინი წინააღმდეგი იყვნენ შესულიყვნენ პარლამენტში, ხოლო ახლა ამბობენ, რომ პარლამენტში თუ არ შევალთ და არ ვიქნებით პარლამენტში, ეს არის პოლიტიკური დევნა. ეს არის აბსურდი, სიმართლე გახლავთ ის, რომ ქართულმა ოცნებამ შექმნა ყველანაირი საკანონმდებლო პირობა იმისთვის, რომ ოპოზიციას ემუშავა პარლამენტში. მათი საკითხის განხილვა მოხდება რეგლამენტის შესაბამისად და ჩვენ მივიღებთ ამაზე შესაბამის გადაწვეტილებას," - აცხადებს არჩილ თალაკვაძე.
