"საქართველოში ჯანდაცვის სისტემის ნაცვლად, გვაქვს ემოციური, კორუფციული კარტელი" - გიორგი ფხაკაძე

საზოგადოებრივი ჯანდაცვის ექსპერტი, გიორგი ფხაკაძე საქართველოს ჯანსაცვის სისტემის რეფორმის აუცილებლობაზე წერს და მთავრობას, უსასყიდლო დახმარებას სთავაზობს.

"საქართველოში ჯანსაცვის სისტემის ნაცვლად გვაქვს ემოციური, კორუფციული კარტელი
ჩვენ ჯანდაცვაში ძალიან რადიკალური, რევოლუციური ცვლილებები გვჭირდება
შევიმუშავე და ჩემს ფეისბუქგვერდზე საჯაროდ გავაზიარე ჯანდაცვის რეფორმის ათპუნქტიანი გეგმა, ბაზისური ცვლილებები
საჯაროდ მივმართავ სახელმწიფოში გადაწყვეტილების მიმღებ პირებს და ქვეყანას ოფიციალურად, უანგაროდვთავაზობ ჩემს დახმარებას
ეს ტექნიკური საკითხებია, უმრავლესობამ შეიძლება, ვერც გაიგო, რაც ვთქვი, მაგრამ ეს არის ის, რაც თითოეულ მოქალაქეს სჭირდება
დღეიდან ყოველდღე ამაზე ვილაპარაკებ - ვილაპარაკებ ჯანდაცვის რეფორმის ძირითად მიმართულებებზე, თუ რა უნდა გაკეთდეს
ვისაუბრებ, როგორ გავაუმჯობესოთ ჯანდაცვის სისტემა, როგორ შევამციროთ ჯანდაცვის ხარჯები. ჩემს მიერ წარმოდგენილი რეფორმის ფარგლებში ჯანდაცვის ბიუჯეტში შესაძლებელი იქნება 30%-იანი ეკონომიის გაკეთება რეფორმის დასაწყისშივე - პირველი ექვსი თვის განმავლობაში
ეს მე მრავალ ქვეყანაში გამიკეთებია, სულით და გულით დავეხმარები საქართველოს. არანაირი პოზიცია არ მინდა, არც მინისტრობა, არც სხვა რამ. რა ფორმაც გინდათ, ის დაარქვით, დაგეხმარებით რეფორმის დაწერაში, განხორციელებაში, რჩევებით, ყველაფრით, ოღონდ საქმე გაკეთდეს. საქმე კი გადაუდებლად გასაკეთებელია. რა მნიშვნელობა აქვს, რა თანამდებობა გაქვს, რა პოზიციაზე მუშაობ, მთავარია საქმე გაკეთდეს.

დიალოგი და დებატები უნდა იყოს იმაზე, როგორ გავაუმჯობესოთ ჯანდაცვის სისტემა. რთული პერიოდი მოდის, მთავარი გამოწვევა პოსტკოვიდური გართულებები იქნება და ამისთვის მზად უნდა ვიყოთ. უნდა დავეხმაროთ ერთმანეთს, უნდა დავეხმაროთ ისე, რომ ოჯახები არ გაღარიბდნენ, პოსტკოვიდის მკურნალობაშია რ გატყავდნენ.

ვიმოქმედოთ გონიერად, მივიღოთ სწორი გადაწყვეტილებები და ყველაფერი კარგად იქნება, ჯანმრთელობას გისურვებთ", - წერს ფხაკაძე. #drpkhakadze