"კორონავირუსისგან დაცვა გამოცხადდა პერსონალურ პასუხისმგებლობად... ჩვენი ქვეყანაც ამ გზას უნდა დაადგეს" - რას წერს ბიძინა კულუმბეგოვი
ალერგოლოგ-იმუნოლოგი, ბიძინა კულუმბეგოვი კორონავირუსთან მიმართებით დიდი ბრიტანეთის ახალ გეგმაზე სოციალურ ქსელში წერს:
"ბრიტანეთმა წარადგენა ახალი გეგმა “ვიცხოვროთ კოვიდთან ერთად”. კორონა ვირუსისგან დაცვა გამოცხადდა პერსონალურ პასუხისმგებლობად, ყოველგვარი პიროვნული თავისუფლების შეზღუდვის გარეშე.
ტესტირება იქნება თავისუფალი სიმპტომური ადამიანებისთვის და ამავე დროს შესთავაზებენ მე-4 ვაქცინის დოზას 75 წლის ასაკის ზემოთ და იმუნოკომპრომეტირებულ მოსახლეობას.
1 თვის შემდეგ ჩვენი ქვეყანაც ამ გზას უნდა დაადგეს, თუმცა აქამდე მისვლა ჩვენ დაგვიჯდა >16 000 მეტი ადამიანის სიცოცხლე, რაც ძალიან დასანანია.
ყოველგვარი რეგულაციების მოხსნის ფონზე ვაქცინაციის წახალისება და საზოგადოების დარწმუნება მის სიკეთეში, ერთადერთი გამოსავალია გრძელვადიანი ეპიდემიოლოგიური სტაბილურობის მიღწევისთვის", - წერს კულუმბეგოვი.
