ამბოხი რუსულ ჯარში - 5000 სამხედრო უარს აცხადებს უკრაინაში ბრძოლაზე
ვრცელდება ინფორმაცია, რომ რუსეთში, ბელგოროდის რაიონში, რომელიც ესაზღვრება ხარკოვის, ლუგანსკისა და სუმის რეგიონებს, რუსმა სამხედროებმა ბუნტი მოაწყვეს.
დაუდასტურებელი ინფორმაციით, ფაქტობრივად, 5000-მდე საკონტრაქტო ჯარისკაცმა, რომლების მობილიზაცია ნაჩქარევად მოხდა უკრაინაში გასაგზავნად, უარი თქვა პუტინისთვის საბრძოლველად უკრაინის ტერიტორიაზე.
მეამბოხე სამხედროები უკრაინაში საომარ მოქმედებებზე უარს ხსნიან იმით, რომ მსგავსი რამ მათ კონტრაქტში გათვალისწინებული არ იყო.
შეგახსენებთ, რომ 27 თებერვლის ღამე უკრაინაში მძიმე იყო. რუსმა აგრესორებმა რამდენიმე ქალაქზე ერთდროულად მიიტანეს იერიში, მათ შორის დედაქალაქ კიევზეც. ოკუპანტები ბომბავენ მშვიდობიან მოსახლეობასაც. სამხედრო ინტერვენციის შედეგად, დაღუპულიაათეულობით მშვიდობიანი მოსახლე და სამხედრო მოსამსახურეები.
უკრაინული მხარის ცნობით, საომარი მოქმედებების დაწყების შემდეგ, 3000-ზე მეტი რუსი სამხედრო პირია ლიკვიდირებული.
