"სულ რამდენიმე თვეში ველოდები სასამართლოს სრულ ზეიმს სტრასბურგიდან“ - მიხეილ სააკაშვილი
საქართველოს მესამე პრეზიდენტი მიხეილ სააკაშვილი იუსტიციის სამინისტროს განცხადებას გამოეხმაურა, რომელმაც განაცხადა, რომ მიხეილ სააკაშვილის საჩივარი ადამიანის უფლებათა ევროპულმა სასამართლომ განსახილველ საქმეთა სიიდან ამოიღო.
"რა საცოდავი იყო იუსტიციის სამინისტრო გუშინ. ჩემივე თხოვნით ამორიცხულ ერთ-ერთ სარჩელზე, რომელიც სასამართლომ დამიკმაყოფილა 10 თებერვალს, გნიასი რომ მორთეს, გავიმარჯვეთო.
სინამდვილეში, ჩემი რეალური სარჩელი ბოლომდე მიღებულია. „მთავრობის არცერთი არგუმენტი სასამართლომ არ გაიზიარა“ და სულ რამდენიმე თვეში ველოდები სასამართლოს სრულ ზეიმს სტრასბურგიდან. ამას, დარწმუნებული ვარ, წინ ვერაფერი დაუდგება“, - წერს სააკაშვილი.
