"ლოგიკა აღარ მესმის, - მიზანი სანქციებისა რას ემსახურება?...იდეოლოგია ათაყვანებს" - დემურ გიორხელიძე
ეკონომისტ, დემურ გიორხელიძეს, უკრაინაში შეჭრის გამო, რუსეთისთვის დაწესებული სანქციების ლოგიკა არ ესმის. ამის შესახებ ეკონომისტი სოციალურ ქსელში წერს:
"ლოგიკა აღარ მესმის, -
მაგრამ ის ზუსტად ვიცი, რომ იდეოლოგია ათაყვანებს, -
ათაყვანებს ფუნდამენტურად და მოურჩენლად!
ლოგიკა აღარ მესმის, - მიზანი სანქციებისა რას ემსახურება?
Bloomberg (აშშ):
"2022 წელს, საკუთარი ენერგორესურსებისათვის რუსეთი
მიიღებს რეკორდულ შემოსავალს, მიუხედავად უკრაინის
ირგვლივ სიტუაციისა და დასავლური სანქციებისა.
2022 წელს, ნავთობისა და ბუნებრივი აირის ექსპორტზე
რუსეთს შეუძლია გამოიმუშაოს $320 მლრდ-ზე მეტი. ეს
დაახლოებით 35%-ით მეტია, ვიდრე ერთი წლით ადრე."
ასეა!
იდეოლოგია ათაყვანებს, -
ათაყვანებს ფუნდამენტურად და მოურჩენლად!
p.s.
მხოლოდ ნავთობის და ბუნებრივი აირის ექსპორტით მიღებულ შემოსავლებში ეს მატება კოლოსალურია!
ახლა დაუმატედ მარცვლეულის ექსპორტი, რომელიც უკრაინის მარცვლეულთან ერთად მსოფლიო ბაზრის 30%-ია, მერე სხვა რამ გაითვალისწინეთ და რა გამოდის?
ვინ დასაჯეს?", - წერს გიორხელიძე.
შეგახსენებთ, რომ რუსეთი უკრაინაში 24 თებერვალს შეიჭრა და ფართომასშტაბიანი ომი დაიწყო. რუსტს დასავლეთმა ფინანსური და ეკონომიკური სანქციები დაუწესა, რის გამოც ქვეყანა ასეულობით კომპანიამ დატოვა.