"იპოვეს ერთმანეთი ცოლ-ქმარმა, ორივე ცოცხალია..." - 35-დღიანი გლოვისა და განშორების მძიმე ისტორია
ექიმი, არჩილ ჯალაღონია სოციალურ ქსელში უკრაინელი წყვილის შესახებ ემოციურ პოსტს აქვეყნებს:
"ქ. ბუჩა , უკრაინა
იპოვეს ერთმანეთი ცოლ-ქმარმა, ორივე ცოცხალია...35 დღე ორივეს ერთმანეთი გარდაცვლილი ეგონათ
ერთ ფოტოში მოქცეული დიდი ტკივილი და უბედურება", - წერს არჩილ ჯალაღონია.
შეგახსენებთ, რომ რუსეთი უკრაინაში 24 თებერვალს შეიჭრა და ფართომასშტაბიანი ომი დაიწყო. რუსი ოკუპანტები ადგილობრივებს, მშვიდობიან მოსახლეობას, მათ შორის ქალებსა და ბავშვებს სასტიკად ექცეოდნენ, მათ ხელ-ფეხს უბოჭავდნენ და ისე აწამებდნენ და კლავდნენ. უკრაინის აწ უკვე გათავისუფლებულ ქალაქებში ასობით მშვიდობიანი მოქალაქის ცხედარია აღმოჩენილი.
