საოკუპაციო ძალებმა 217 უკრაინელი ბავშვი მოკლეს
უკრაინაში, რუსეთის შეჭრისა და ფართომასშტაბიანი ომის დაწყების შემდეგ, 217 ბავშვი დაიღუპა, 391-ზე მეტი კი დაშავდა - ინფორმაციას უკრაინის პროკურატურა ავრცელებს.
"რუსეთის ფედერაციის აგრესიის შედეგად უკრაინაში ოფიციალური მონაცემებით 217 ბავშვი დაიღუპა და 391-ზე მეტი დაიჭრა. ყველაზე მეტი ბავშვი დაშავდა დონეცკში, კიევში, ხარკოვში, ხერსონში, ზაპოროჟიესა და ჟიტომირში“, - აცხადებენ უკრაინის გენერალურ პროკურატურაში.
რუსეთის მიერ უკრაინის ქალაქებისა და სოფლების ყოველდღიური დაბომბვის შედეგად დაზიანდა 1508 სასწავლო დაწესებულება, აქედან 102 მთლიანად განადგურდა.