"ამ კაცმა თქვა, ცეცხლი მე შემაქვსო და ბრმევლი ბღავის, მაგან რა იცისო" - დეკანოზი
დეკანოზი, ილია ჭიღლაძე წმინდა ცეცხლის გარდამოსვლაზე წერს:
"აი ვერცხლის დახურული კანდელი, ცეცხლის ნამდვილი წყარო. ამ კაცმა, მთავარეპისკოპოსმა მეუფე ისიდორემ თქვა, ცეცხლი მე შემაქვსო და ბრმევლი ბღავის, მაგან რა იცისო... მიტროპოლიტ-მოსაყდრე კორნელიმაც აღიარა, ვინც ცეცხლის რიტუალი თავად ჩაატარა 2001 წელს, პატრიარქის გარდაცვალების გამო. არის ორივეს ვიდეო-ინტერვიუ.
ესეც ჩვენი მრევლ-ზომბილენდი: არც თეოლოგია უნდათ, არც ბიბლიის ცოდნა, არც მეცნიერება, არც ლოგიკა, არც აზროვნება. ცეცხლთაყვანისმცემლები და კერპთაყვანისმცემლები. არადა, სულ რაღაც 25 წლის უკან კაციშვილმა არ იცოდა საქართველოში არც ეს ცეცხლი და არც ეს ვითომ სასწაული. ქართულ ლიტერატურაშიც ვერაფერს ნახავ, გარდა ერთი-ორი პილიგრიმულ-მემუარული ძეგლისა (ტ. გაბაშვილი, გ. ავალიშვილი, პ. კონჭოშვილი)", - წერს დეკანოზი.
