ვეძებ მწვრთნელებს ვინც ქართველ ბავშვებს სხვადასხვა საბრძოლო ხელოვნებებში მოამზადებს - მერაბ დვალიშვილი
ყოველთვის მინდოდა სპორტის და საბრძოლო ხელოვნების განვითარებაში შემეტანა წვლილი - ამის შესახებ UFC-ის ჩემპიონი, მერაბ დვალიშვილი სოციალურ ქსელში წერს და იქვე აღნიშნავს, რომ ეძებს მწვრთნელებს, რომლებიც ბავშვებს სხვადასხვა საბრძოლო ხელოვნებებში მოამზადებენ.
ვეძებ მწვრთნელებს ვინც ქართველ ბავშვებს სხვადასხვა საბრძოლო ხელოვნებებში მოამზადებს. გავხსნი დარბაზებს რეგიონებში, შევიძენ ყველა საჭირო ინფრასტრუქტურას და გადავუხდი მწვრთნელებს ხელფასებს. ამ ყველაფერს ჩემი პირადი ხარჯებით გავაკეთებ. ყოველთვის მინდოდა სპორტის და საბრძოლო ხელოვნების განვითარებაში შემეტანა წვლილი - წერს მერაბ დვალიშვილი.
