"გთხოვთ, ვინც ამას წაიკითხავთ, აღარასდროს მითხრათ თქვენი აზრი” - რას წერს ნიკა ქავთარაძე?
იუმორისტი, ნიკა ქავთარაძე სოციალურ ქსელში იმ ხალხს მიმართავს, რომლებიც მისთვის უტაქტო შენიშვნებს იძლევიან.
"ადამიანები რატომ აძლევენ საკუთარ თავს უფლებას, გითხრან რამე წონასთან დაკავშირებით?!
რატომ ვერ ხვდებიან, რომ სააააერთოოოდ არაა მაგათი საქმე?!
“ვააა, მაგრად გასუქებულხარ” - და რა უნდა უპასუხო?! თითქოს თავს ვიმართლებ ხოლმე, დაპირებასაც აძლევ, რომ დიეტას დაიწყებ და აუცილებლად გახდები.
მესმის და მჯერა, რომ ამას არ აკეთებთ სპეციალურად გულის სატკენად, მაგრამ ადამიანები ხომ ხართ?!
სიტყვას რამხელა ძალა აქვს ხო იცით?
მეტი იფიქრეთ, ვიდრე ვინმეს ფორმიდან ამოვარდნის გამო “ანერვიულდებით”.
გუშინ კოშმარული საღამო მქონდა, თუ ვინმე მიხვდა, რომ მოვიმატე - ყველამ მითხრა.
საერთოდ არაფრის ხალისი აღარ მქონდა - ინერციით ვაკეთებდი საქმეს.
ხოდა, გთხოვთ, ვინც ამას წაიკითხავთ, აღარასდროს მითხრათ თქვენი აზრი გასუქებაზე - არც გახდომაზე.
გთხოვთ!", - წერს იუმორისტი.
