"წმინდანად შერაცხილ მამა გაბრიელ ბერს მრავალი წლის მანძილზე შიმშილში და ყინვაში ხდიდა სულს ილია მეორე" - დეკანოზი ილია ჭიღლაძე
დეკანოზი, ილია ჭიღლაძე საქართველოს პატრიაქ ილია მეორესთან დაკავშირებით, სოციალურ ქსელში მორიგ პოსტს აქვეყნებს:
"ამჟამად წმინდანად შერაცხილ მამა გაბრიელ ბერს მრავალი წლის მანძილზე შიმშილში და ყინვაში ხდიდა სულს ილია მეორე. სამაგიეროდ თავად ხიზილალას და ასატრინებს და კიდევ ბევრ რამეს არ იკლებდა არასოდეს. გაბრიელიც სულ უკანასკნელი სიტყვებით აგინებდა ხოლმე ახლობლებთან და ხშირად ხალხშიც კი. ეს ყველამ იცის, ვინც ახლოს იცნობდა გაბრიელ ბერს და უამრავჯერ საკუთარი ყურით მოუსმენიათ. ის ერთი ვიდეო, ქაშვეთის ეზოში რომ მდაბლად კურთხევას იღებს გაბრიელი ილია მეორისგან, საერთოდ არაფერს ნიშნავს. ის რაღაც გამონათქვამიც გაბრიელ ბერს რომ მიაწერენ ნაკვერჩხლებზე, არ ვიცი ავთენტურია, თუ მერე შეთხზეს ილიამადიდებლობისათვის", - წერს დეკანოზი ილია ჭიღლაძე.
