"მიდი, დედა, მიდი, ჩაყარე, აწერია არ შეიძლებაო..ევროპა არა ისა.." - ზურა შევარდნაძე ქართველების "უწესო წესებზე"
ბოტანიკოსი, ზურა შევარდნაძე, "გარდენიაში" არსებული აკრძალვების ვიზიტორების მიერ დაღვევის ფაქტებზე სოციალურ ქსელში წერს:
"ოქროსთევზებიან აუზთან წარწერა გავაკეთეთ: "ბავშვებო გთხოვთ აუზში კენჭებს ნუ ჩაყრით მუჭებით ბაღის ბილიკებიდან".
ალპინარიუმთან გვიწერია: "ბავშვებო გთხოვთ ქვებზე ნუ ახვალთ.."
ჭიშკარზე : "სამეურნეო ნაწილია, ნუ შეხვალთ!!!"
ხშირად ვზივარ ნეკერჩხლის ქვეშ, ვეიგელას ბუჩქები მეფარება და ბაღის სტუმრები ვერ მხედავენ, მე კი მათი საუბარი მესმის, გამიგონია ხშირად იქ მჯდომს: "მიდი დედა მიდი ჩაყარე, აწერია არ შეიძლებაო.." "მიდი ბებო ადი ჩქარა გადაგიღო აწერია არ ახვიდეთ, არ შეიძლებაო.."
"შევიდეთ, შევიდეთ რა არავინ არაა"
ევროპა არა ისა..", - წერს ზურა შვარდნაძე.
