შეტაკება მოხდა სომხეთის პოლიციასა და სოფლის მცხოვრებთა შორის, რომელიც აზერბაიჯანს უნდა გადაეცეს

სომხეთის პოლიციასა და სოფლის მცხოვრებთ შორის, რომელსაც სომხეთი აზერბაიჯანს გადასცემს ერევანსა და ბაქოს შორის საზღვრების დემარკაციის თაობაზე შეთანხმებით, 26 აპრილს მოხდა შეტაკება.

ცნობით, საპროტესტო გამოსვლის მონაწილეები კირანცში, ერთ-ერთ საზღვრისპირა დასახლებულ პუნქტში, ცდილობდნენ გაეჩერებინათ ავტომანქანა, რომელშიც ეგონათ, რომ დემარკაციის შეთანხმების პირობების გასატარებლად აზერბაიჯანელი მოხელეები ისხდნენ.

ამ სოფლის მოსახლეობა ღელავს მოსალოდნელი გადასახლების გამო. სომხეთის პრემიერ-მინისტრმა, ნიკოლ ფაშინიანმა განაცხადა ამას წინათ, რომ აზერბაიჯანს გადაეცემა რამდენიმე სოფელი, რომლებიც საერთაშორისო სამართლით, მეზობელი ქვეყნის ტერიტორიაა და საბჭოთა კავშირის დაშლის შემდეგ კონტროლდებოდა სომხების მიერ. პრემიერი ამ გადაწყვეტილების გამო მძაფრად გააკრიტიკეს თავის ქვეყანაში.

ფაშინიანი თვლის, რომ ეს უნდა დაკეთდეს, რათა აზერბაიჯანთან მიღწეულ იქნეს მშვიდობა. ამ შეთანხმებას აშშ და ევროკავშირი მიესალმნენ.