უშგულისკენ მიმავალ გზაზე კლდის მასა ჩამოიშალა - გზის გაწმენდა ვერ ხერხდება
კალა - უშგულის დამაკავშირებელ ტერიტორიაზე ე.წ. “დევის ნაშენის” მონაკვეთზე მიწა-კლდის მასა ისევ ჩამოიშალა და გზა ჩაკეტა.
"ქვის ცვენის გამო გაწმენდითი სამუშაოები ვერ ხორციელდება",- ამის შესახებ სოციალურ ქსელში მესტიის მუნიციპალიტეტის მერიის პრესსამსახურის ხელმძღვანელი თამუნა გოშთელიანი წერს.
ადგილზე პირველად რამდენიმე დღის წინ ჩამოიშალა კლდე და ქვა-ღორღი, რის გაწმენდით სამუშაოებს მესტიის მუნიციპალიტეტის მერიის შესაბამისი სამსახურები აწარმოებდა.
