რუსული კომპანია რაბათის ციხეში „ფორტ ბოიარდის“ ანალოგს - „ფორტ რაბათს“ აწყობს
რუსული კომპანია „ქვევრი-ივენთი“, რომელიც საქართველოშია დაფუძნებული, რაბათის ციხეში „ფორტ ბოიარდის“ ანალოგს - „ფორტ რაბათს“ აწყობს. ამის შესახებ ინფორმაცია თავად ორგანიზატორებმა გაავრცელეს.
როგორც ირკვევა, ღონისძიებაში მონაწილეობას მიღება შეეძლებათ, როგორც უცხო ქვეყნის მოქალაქეებს, ისე ადგილობრივებს.
„ქვევრ-ივენთის“ ვებ-გვერდზე განთავსებული ინფორმაციით, ისიც ირკვევა, რომ თამაშის მიმდინარეობისას რაბათის ციხე ტურისტებისთვის და მომნახველებისთვის დაკეტილი იქნება.
„რაბათის განძის“ ჩატარება სექტემბრის ბოლომდე იგეგმება. თამაში 3 საათს გაგრძელდება და მასში მონაწილეობის მსურველები 275 დოლარს გადაიხდიან.
თამაშის წამყვანი დუტა სხირტლაძეა.
