თუ დადგა ფეხზე და გამოჯანმრთელდა, 100%-ით ფიქრობს უკრაინაში დარჩენასა და იქ მოღვაწეობაზე - ადვოკატი
საქართველოს მესამე პრეზიდენტის ადვოკატი, ვალერი გელბახიანი აცხადებს, რომ სააკაშვილის მიზანია უკრაინაში დაბრუნება და იქ მოღვაწეობა.
"ყველა ვართ მოწოდებული იმისკენ, რომ პოლიტიკის გარეშე მისი გადარჩენისათვის ვიბრძოლოთ. მისი აზრი ასეთია, რომ მან გასაცემი რესურსი უკვე გასცა, არავის არაფერს არ საყვედურობს, პრეტენზიებს არ აყენებს, ყველას მადლობელია, ოღონდ მის გარეშე სურს ქართული პოლიტიკა. თუ ვინმეს ხვდება, ეს არის მეგობრული შეხვედრა, ყველანაირი პოლიტიკის გარეშე. თუ დადგა ფეხზე და გამოჯანმრთელდა, 100%-ით ფიქრობს უკრაინაში დარჩენასა და იქ მოღვაწეობაზე“, - განაცხადა ადვოკატმა „იმედთან“ საუბრისას.
