ძალიან მტკივა, რომ ჩემს ქვეყანას საქართველოს ტერიტორიები ოკუპირებული აქვს - საქართველოში მცხოვრებმა რუსებმა აქცია გამართეს
აგვისტოს ომის მე-14 წლისთავთან დაკავშირებით, საქართველოში მცხოვრებმა რუსებმა აქცია გამართეს და რუსეთის მიერ საქართველოს ტერიტორიების ოკუპაცია გააპროტესტეს
„აქ ვართ რუსები, რომლებიც ომის წინააღმდეგი ვართ, გვინდა გამოვხატოთ მხარდაჭერა საქართველოს მიმართ. ძალიან მტკივა, რომ ჩემს ქვეყანას საქართველოს ტერიტორიები ოკუპირებული აქვს“, - განაცხადა აქციის ერთ-ერთმა მონაწილემ.
ცნობისთვის, დღეს აგვისტოს ომის დაწყებიდან მე-14 წელი გავიდა.
