"ესენი მოსწავლეების ტვინებს აბნელებენ" - რა ვიდეოს აქვეყნებს ჟურნალისტი?
ჟურნალისტი, ნაზიბროლა რეხვიაშვილი ბათუმის ერთ-ერთ სკოლაში მომხდარ ინციდენტს ეხმაურება და წერს:
"განათლება არის სინათლე...
ესენი მოსწავლეების ტვინებს აბნელებენ.
საყვარელი, გახსნილი, ნიჭიერი ბავშვები მიდიან სკოლებში და თუ მასწავლებელში არ გაუმართლათ, რაც ფრიად იშვიათი გამონაკლისია, ვიღებთ ისეთ
მოქალაქეებს, როგორი საზოგადოებაც გვაქვს.
არაფერი არ გვეშველება, სანამ ჩვენი მომავალი თაობა ასეთების ხელში ხვდება", - წერს რეხვიაშვილი.
შეგახსენებთ, ბათუმის მე-7 საჯარო სკოლის მოსწავლემ სკოლის სტენდზე სხვა ქვეყნების ეროვნულ სიმბოლოებთან ერთად გაკრული რუსეთის დროშა ჩამოხია, რის შემდეგაც მოსწავლე სასწავლო პროცესის მიმდინარეობისას გააგდეს.
მოგვიანებით ამ ფაქტის გამო ბათუმში სკოლის დირექტორი თანამდებობიდან გაათავისუფლეს.
