ვის რამდენით ეზრდება პენსია და სოციალური დახმარება - დეტალები

ჯანდაცვისა და სოციალური პროგრამების დაფინანსება 770 მილიონი ლარით იზრდება.

იანვრიდან, 70 წლის და მეტი ასაკის პირთა პენსია მაღალმთიან დასახლებებში 440 ლარამდე გაიზრდება, 70 წლის ქვემოთ 355 ლარი. სხვა რეგიონებში იგივე ასაკობრივ კატეგორიას ყოველთვიური ანაზღაურება 365 და 300 ლარამდე ექნება.

ბიუჯეტში გათვალისწინებულია და იანვრიდან პირველი ჯგუფის შშმ პირები 275 ნაცვლად 340 ლარს მიიღებენ, მე-2 ჯგუფის 140 ნაცვლად 175-ს , მე-3 ჯგუფში შემავალი ჯანმრთელობის სტატუსის მქონე პირები თუ დღემდე 100 ლარს იღებდნენ, ბიუჯეტის გაზრდის პარალელურად მათი შემოსავალი 135 ლარი იქნება.

ექსპერტები ამბობენ, რომ ბიუჯეტში თანხების მობილიზება ქვეყანაში ეკონომიკურმა ზრდის მაჩვენებელმა გამოიწვია. სპეციალისტების შეფასებით მთავრობა პრიორიტეტებს არ ცვლის და მომდევნო წელიც პოზიტიურად დაიგეგმა.

გასამმაგდა სოციალურად დაუცველი ბავშვებისთვის გამოყოფილი თანხების ოდენობა, 50 ლარი უკვე 150 გახდა. არ გამორიცხავენ ბიუჯეტის ზრდასთან ერთად ამ მიმართულებით დამატებით ფინანსების მობილიზებაც მოხდეს.

2023 ბიუჯეტში თანხები დევნილთა სახლების მშენებლობებისთვისაც არის გათვალისწინებული პრემიერ მინისტრმა უკვე დააანონსა , რომ 7000 ბინაზე გათვლილი საცხოვრებელი კომპლექსის მშენებლობა მალე დაიწყება, რისთვისაც 250 მილიონი ლარი დაიხარჯება.


წყარო - "პრაიმტაიმი"