"ფოტოების გარეშეც, კამერის გარეშეც შეიძლება ამ დროს..." - რას წერს თაკო ჩარკვიანი მერიის გავრცელებულ ფოტოებზე?
თბილისი მერი, კახა კალაძე ვაკის პარკის მებაღეს, დევი მეზურნიშვილს შეხვდა, რომელმაც ვაკეში მომხდარი ტრაგედიის დროს ორი ბავშვი გადაარჩინა. შეხვედრის ამსახველ ფოტოებს სოციალურ ქსელში მერიის პრესსამსახური ავრცელებს. ფაქტს პარტიის „კანონი და სამართალი“ ლიდერი, თაკო ჩარკვიანი ეხმაურება და წერს:
"ეჭვი არ მეპარება, რომ განიცდის კალაძე, თუმცა ფოტოების გარეშეც, კამერის გარეშეც შეიძლება ამ დროს, ( ფოტოებს მერიის პრესსამსახური ავრცელებს) ყველაფერში "არაზომიერება" ცუდია და უხერხული ამ დროს.........
.......ამ ვაჟკაცი კაცის - მეზურნიშვილის წინაშე კი თავს ვიხრი მიწამდე !", - წერს ჩარკვიანი.
შეგახსენებთ, რომ 13 ოქტომბერს, ვაკის პარკის შადრევანში შესულ 3 ბავშვს დენმა დაარტყა, შემთხვევას 13 წლის მარიტა მეფარივილის სიცოცხლე შეეწირა.
