"მოვიდნენ, გაძარცვეს, ზეიმობდნენ, დახოცეს, წავიდნენ" - მიხაილო პოდოლიაკი ხერსონიდან რუსული ჯარის ნაწილის გასვლაზე
უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი სოციალურ ქსელში ხერსონიდან რუსული ჯარის ნაწილის გასვლას ეხმაურება.
"რუსეთის ფედერაციას სურს ხერსონი „სიკვდილის ქალაქად“ აქციოს. რუსი სამხედროები ნაღმავენ ყველაფერს, რაც შეუძლიათ: ბინებს, კანალიზაციას. მარცხენა სანაპიროზე მდებარე არტილერია ქალაქის ნანგრევებად გადაქცევას გეგმავს. ასე გამოიყურება „რუსული სამყარო“: მოვიდნენ, გაძარცვეს, ზეიმობდნენ, დახოცეს „მოწმეები“, დატოვეს ნანგრევები, წავიდნენ“, - წერს უკრაინის პრეზიდენტის ოფისის ხელმძღვანელის მრჩეველი.
Рф хоче зробити Херсон «містом смерті». Російські військові мінують усе що можуть: квартири, каналізацію. Артилерія на лівому березі планує перетворити місто на руїни. Такий вигляд має «русский мир»: прийшли, пограбували, відсвяткували, убили «свідків», залишили руїни, пішли.— Михайло Подоляк (@Podolyak_M) November 10, 2022
შეგახსენებთ, სერგეი შოიგუმ ხერსონიდან რუსული ჯარის გაყვანის ბრძანება გასცა.
