შუმახერის „ფერარი“ აუქციონზე გაიყიდა
გერმანელი მრბოლელის, მიხაელ შუმახერის „ფერარი“, რომლითაც მან „ფორმულა-1“-ის ჩემპიონის ტიტული მეექვსედ მოიპოვა, აუქციონზე გაიყიდა.
ჟენევაში გამართულ „სოთბის“ აუქციონზე, ავტომობილი თანამედროვე „ფორმულა-1“-თვის რეკორდულ ფასად - 13 მილიონ ფრანკად გაიყიდა.
თავდაპირველად, ლოტის ღირებულება 7.5 მილიონად შეფასდა, ექსპერტები ბოლიდში მაქსიმუმ 9.6 მილიონის მიღებას ვარუდობდნენ, თუმცა ვაჭრობის დროს, შუმახერის ავტოს ფასი, პრაქტიკულად, გაორმაგდა.
