"როგორც მმართველი გუნდი ამბობს, მე ვარ მათი მტერი, მე ვარ ფაშისტი, ვარ სახელმწიფო ხელისუფლების გადატრიალების მომხრე. ხოდა თუ ესეა, მაშინ..." - რას წერს ანა აბაშიძე?
იურისტი, ანა აბაშიძე სოციალურ ქსელში პოსტს აქვეყნებს, სადაც ის მმართველ გუნდზე საუბრობს და მათ ტყუილში ამხელს.
"როგორც მმართველი გუნდი ამბობს, მე ვარ მათი მტერი, მე ვარ ფაშისტი, მე ვარ სახელმწიფო ხელისუფლების გადატრიალების მომხრე, მე მათ ამომრჩეველს ვლანძღავ. ხოდა თუ ესეა, მაშინ:
- რაღატო მწერთ ყველა დღე რომ მივიღო მონაწილეობა თქვენ სამუშაო ჯგუფებში?
- რატომ ცდილობთ ჩემგან მიიღოთ პროფესიული აზრი?
- რატომ მიხდით მადლობებს ჩემი საქმიანობის გამო?
იცით რატომ? იმიტომ რომ ძალიან კარგად იცით რომ რასაც საჯაროდ ამბობთ ჩემზე სიმართლე არაა. თქვენი მიზანი თქვენდამი ლოიალური სახალხო დამცველის არჩევაა და თან ამისთვის ტყუილებსაც აღარ ერიდებით და ყველა გზას ხერგავთ მომავალი თანამშრომლობის", - წერს აბაშიძე.
