თურქეთმა ისრაელთან ექსპორტი და იმპორტი შეაჩერა
თურქეთმა შეაჩერა ექსპორტი და იმპორტი ისრაელთან. ინფორმაციას ამის შესახებ სააგენტო Bloomberg-ი თურქ მაღალჩინოსნებზე დაყრდნობით ავრცელებს.
როგორც სააგენტო Bloomberg-ი იუწყება, თურქეთმა ჯერ ოფიციალურად არ გამოაცხადა მიღებული გადაწყვეტილების შესახებ.
თურქეთის სტატისტიკური ინსტიტუტის მონაცემებით, ორ ქვეყანას შორის ვაჭრობა 2023 წელს 6.8 მილიარდ დოლარს შეადგენდა, საიდანაც 76% თურქეთის ექსპორტი იყო.
გასულ თვეში თურქეთმა შეზღუდა ექსპორტი ისრაელში ღაზაში მიმდინარე ომის გამო.
