თუ ვინმე დამასანქცირებს და ამერიკის ვიზას არ ჩამირტყამს, ვერც ამაში ვერ ვხედავ პრობლემას - დიტო სამხარაძე

ჩემს პირად მოკრძალებულ აზრს გაგანდობთ - „ქართული ოცნების“ რეგიონული მდივანი, დიმიტრი სამხარაძე  სოციალურ ქსელში იმის შესახებ წერს, თუ როგორ მოიქცევა ამერიკის მხრიდან დასანქცირების შემთხვევაში:

ჩემს პირად მოკრძალებულ აზრს გაგანდობთ: 

თუ სტრატეგიული პარტნიორობის ფარგლებში ქართველები ოდესმე მოვესწრებით რომ შეერთებულ შტატებში უვიზოდ ვივლით, ნამდვილად მივესალმები, მაგრამ ამ მოცემულობაში, მე თუ ვინმე დამასანქცირებს და ამერიკის ვიზას არ ჩამირტყამს, ვერც ამაში ვერ ვხედავ ვერანაირ პრობლემას. თუ ამერიკის ნახვა მომინდება, როგორც ქართველი ვიზიტორების 99,9 %-ია “დასანცირებული” და სურვილის მიუხედავად არ აძლევენ ვიზას, მეც მათსავით მოვიქცევი, როგორც ეს ხალხი იქცევა ძირითად შემთხვევაში, მექსიკიდან გადავიპარები, დავათვალიერებ და გადმოვიპარები, ისე რომ ვერავინ ვერაფერს ვერ გაიგებს, თუ არ “გავსთორე” - წერს სამხარაძე.