სანქციების დაწესების შემთხვევაში, საქართველო დაკარგავს წლიურად საშუალოდ 3 მლრდ ევროს - ოთო აბესაძე

სანქციების დაწესების შემთხვევაში, საქართველო დაკარგავს წლიურად საშუალოდ 3 მლრდ ევროს - ამის შესახებ ეკონომისტი ოთო აბესაძე "ფეისბუქის" პირად გვერდზე წერს.

მის პოსტს უცვლელად გთავაზობთ:

"რა გველოდება თუ საქართველოს მთავრობა დასანქცირდება:

სანქცირებული მთავრობის პირობებში ყველანაირი საერთაშორისო კორპორაცია შეწყვეტს თანამშრომლობას და ქვეყანში აღარ შემოვა მსხვილი დასავლური ინვესტიციები.

საქართველოში შეჩერდება ERASMUS (სტუდენტებისა და პროფერორ-მასწავლებლების გაცვლითი პროექტები ევროკქვშირში), USAID, EBRD (ახალი ავტობუსები ვინც გვიყიდა და ა.შ) სავალუტო ფონდის და ა.შ პროექტები, რომელთა არსებობა სასიცოცხლოდ მნიშვნელოვანია ჩვენი ქვეყნის განვითარებისთვის (თუნდაც მაგისტრალის მშენებლობა რად ღირს)

საქართველოს შეუწყდება ევროკავშირის წევრობის კანდიდატის სტატუსი.

საქართველოს მოქალაქეებს შეუჩერდებათ უვიზო მიმოსვლა ევროკავშირში.

საქართველო ვეღარ ისარგებლებს ევროკავშირისა და აშშ-ს მსხვილი გრანტებით და გრძელვადიანი სესხებით.

ჯამურად საქართველო დაკარგავს წლიურად საშუალოდ 3 მლრდ ევროს.

ზემოთ აღნიშნული ნიუანსები გამოიწვევს:

ფასების ზრდას

უმუშევრობას

საერთაშორისო იზოლაციას

მასიურ არალეგალურ მიგრაციას.

გაიწვიეთ ეს მავნებლური კანონი უკან და არ დაძლიოთ ვეტო,"- წერს აბესაძე.