X
TIA.GE - ინტერნეტ ტელევიზია (GOGAGGG)
ქალები, რომელთა ,,მორჯულება" შეუძლებელია და კაცს მუდამ პრობლემებს უქმნიან
  • ქალები, რომელთა ,,მორჯულება" შეუძლებელია და კაცს მუდამ პრობლემებს უქმნიან

    ქალები იმის მიხედვით, თუ რომელ ზოდიაქოს ნიშანს განეკუთვნებიან გამოირჩევიან ხასიათის განსხვავებული თვისებებით.
    ამიტომ ერთნი თუ მარტივად ახერხებენ მამაკაცებთან ურთიერთობის გაბმას და ასეთივე სიიოლით ქმნიან ოჯახს, ვიღაცის ცხოვრებაში ბოლო არ უჩანს დრამატულ რომანებსა და პარტნიორების ცვლას... დღეს გვინდა ზოდიაქოს სამი ყველაზე რთული ხასიათის ქალი გაგაცნოთ. ისინი, ვისი ატანაც მამაკაცებს ძალიან უძნელდებათ, თუმცა ასეთი ქალის შეყვარება და მერე მისი დავიწყება ძალიან ძნელია მამრობითი სქესის წარმომადგენლისთვის...

    ვერძი - მამაკაცური პლანეტა მარსი, რომელიც ზოდიაქოს ამ ნიშანს მართავს ვერძ ქალს აიძულებს იყოს ლიდერი ყველგან, მათ შორის პირად ურთიერთობებშიც. რაც ძლიერი სქესის ბევრი წარმომადგენელისთვის დამთრგუნველია. ქალი ვერძი უზომოდ სექსუალური, ეფექტური და თამამია. იგი ხშირად თვითონ უხსნის ხოლმე კაცს სიყვარულს და არ ელოდება, როდის გადმოდგამს ნაბიჯს ეს უკანასკნელი მისკენ. როგორც წესი, ასეთი ქალები მიდრეკილი არიან პარტნიორის ცვლისკენ, იმიტომ რომ მათ წარმოდგენას მამაკაცურობასა და ვაჟკაცურობაზე ძალიან ცოტა თუ აკმაყოფილებს. ძლიერი სქესის წარმომადგენლები ძნელად ახერხებენ ფეხი აუწყონ ქალი ვერძის ცეცხლოვან ტემპერამენტს. სამაგიეროდ, თუკი მაინც ახერხებენ ამას, ვერძისგან იდეალური ცოლი, კარგი დე
    და და ერთგული მეგობარი დგება.

    ლომი - თანდაყოლილი მოთხოვნილება - იყოს ყველგან ლიდერი, იბრწყინოს და ყველა მას ეთაყვანოს, ლომი ქალის ხასიათში დედოფლურ თვისებებს აყალიბებს. ეს ადამიანი დაჯილდოებულია საკუთარი თავის გასაოცრად მაღალი რწმენით, რის გამოც ხშირად ზემოდან უყურებს ხოლმე ძლიერი სქესის წარმომადგენლებს და აიძულებს მათ მისი გულის მოსაგებად ათასგვარი თავზეხელაღებული საქციელი ჩაიდინონ. ქალი ლომი ყოველთვის ელეგანტური, დახვეწილი და შეუდარებელია. მისი ვიზუალური იმიჯი უნაკლოა. რის გამოც ბევრი კაცი კომპლექსდება ამ ქალთან ურთიერთობის დაწყებისას. გარდა ამისა, ლომს ძლიერი, გამბედავი და სოლიდური მამაკაცები იზიდავს, შესაბამისად, შეუფერებელ პარტნიორთან ყოფნას ურჩევნია სულაც მარტო იყოს ცხოვრებაში. იგი მაქსიმალისტია და მისი დევიზია "ყველაფერი ან არაფერი - მხოლოდ საუკეთესო"!

    მორიელი - ჩამოთვლილთაგან ყველაზე რთული ხასიათით დააჯილდოვა ბუნებამ. მორიელი ქალი მამაკაცური ენერგეტიკის სიჭარბით გამოირჩევა, ამასთან ერთად არის საოცრად მაცდუნებელი, ქალური და სუპერსექსუალური. თუმცა, ხასიათის ისეთი თვისებების გამო როგორიცაა: ეჭვიანობა, უხეშობა, მწარე ენა, ცინიზმი და მაქსიმალისტური დამოკიდებულება სიყვარულში, იგი ხშირად დგება პრობლემების წინაშე მამაკაცებთან ურთიერთობაში. ქალი მორიელი ნებისმიერი კაცისთვის საოცნებო ქალია სექსუალური კუთხით, თუმცა ბევრს არ ყოფნის გამბედაობა და მოთმინება ერთ ჭერქვეშ იცხოვროს მასთან ერთად, იმიტომ რომ მორიელი სამართლიანობის მძაფრი გრძნობით გამოირჩევა და კაცებს არასოდეს პატიობს სისუსტეს ან ორგულობას. სამაგიეროდ, თუკი მამაკაცმა მისი ნდობა და სიყვარული დაიმსახურა, ქალი მორიელი მართლაც, რომ "კუბოს კარამდე" უერთგულებს ამ უკანასკნელს.
    წყარო: astrologi.ambebi.ge
    322 ნახვა
    იტვირთება...
    15-03-2019, 00:44