დაუმატეთ ბადრიჯნის სალათას ეს ინგრედიენტი და ის განსაკუთრებულად გემრიელი გამოვა
ინგრედიენტები
მწვანე ხახვი - 1 კონა
ნიორი - 1 კბილი
ბულგარული წიწაკა - 1 ცალი
კარტოფილი - 1 ცალი, მოზრდილი
ბადრიჯანი - 2-3 ცალი
კამა - 1 კონა
მარილი და პილპილი
ზეთი - გემოვნებით
მომზადების წესი:
ბადრიჯანი დაჭერით მრგვალ ნაჭრებად და შეწვით მცენარეულ ზეთში. გადაიტანეთ ის სამზარეულოს ხელსახოცზე, რათა მოშორდეს ზედმეტი ცხიმი. დატოვეთ რამდენიმე წუთი, რომ გაცივდეს.
კარტოფილი დაჭერით ჩხირებად და შეწვით ზეთში.
ბულგარული წიწაკა დაჭერით მოგრძო ნაჭრებად.
გაგრილებული ბადრიჯანი დაჭერით წვრილად, ხოლო ხახვი მრგვლად. ასევე წვრილად დაჭერით მწვანილი და ნიორი.
ყველა ინგრედიენტი კარგად აურიეთ ერთმანეთში, დაუმატეთ ცოტა ზეთი, მარილი და პილპილი გემოვნებით.
გემრიელად მიირთვით!
