ხაჭაპური ამ რეცეპტით ჯერ არ მოგიმზადებიათ - დაგჭირდებათ მხოლოდ ნახევარი საათი
ინგრედიენტები
ფქვილი - 400 გ
კეფირი - 1 ჭიქა
სოდა - 1 ჩ/კ
მარილი - 1 ჩ/კ
ყველი - 300-400 გ
კამა,ოხრახუში,ქინძი
კარაქი
ინგრედიენტები სოუსისთვის
მაწონი - 200 მლ
ნიორი - 2 კბილი
დაჭრილი მწვანილები - 3 ს/კ
მომზადების წესები
დაუმატეთ კეფირს სოდა და გააჩერეთ 5 წუთით.
დაუმატეთ ფქვილს მარილი, კეფირი და მოზილეთ ელასტიკური ცომი.
კარგად მოზელილი ცოლი ამოავლეთ ფქვილში და დატოვეთ 10 წუთი ( თავზე დააფარეთ ტილო).
გახეხილ ყველს დაუმატეთ დაჭრილი მწვანილები და თუ საჭიროა,მარილი.
ცომი გაყავით 5 ნაწილად. თითოეული გააბრტყელეთ თხლად და დაუმატეთ ყველიანი შიგთავსი. კარგად დაბრაწეთ ტაფაზე და შემდეგ გადაუსვით კარაქი.დაიმახსოვრეთ, ხაჭაპური უნდა გამოვიდეს ძალიან თხელი.
სოუსისთვის მაწონს გაურიეთ დაჭრილი ნიორი და მწვანილები.
გემრიელად მიირთვით!
