ნაღების პასტა ქათმითა და ლორით
ინგრედიენტები
ფეტუჩინი - 180 გ
ლორი - 200 გ
ქათმის ფილე - 180 გ
კარაქი - 1 ს/კ
ნიორი - 2 კბილი
ხახვი - 1/2 ცალი
ცხიმიანი ნაღები - 3/4 ჭიქა
ყველი (მაგარი სახეობის) - გახეხილი 1/2 ჭიქა
ოხრახუში - გემოვნებით
მომზადების წესები
მოხარშეთ ფეტუჩინი შეფუთვაზე მოცემული ინსტრუქციის თანახმად, გადაწურეთ, მაგრამ შეინახეთ 3/4 ჭიქა ნახარში.
ლორი შეწვით ცხელ ტაფაზე, სანამ კარგად არ დაიბრაწება. გადაიტანეთ ქაღალდის ხელსახოც დაფენილ თეფშზე.
დაჭრილ ქათმის ფილეს მოაყარეთ მარილი და პილპილი, აურიეთ და შეწვით იგივე ტაფაზე 2-3 წუთის განმავლობაში ყველა მხრიდან.
შემდეგ ტაფაში გაადნეთ კარაქი და მოხრაკეთ მასში წვრილად დაჭრილი ნიორი და ხახვი 3-4 წუთის განმავლობაში, შემდეგ დაუმატეთ ნაღები, გადანახული ნახარში და გახეხილი ყველი, თშეთ კიდევ 2-3 წუთი. შეაზავეთ მარილით დ აპილპილით გემოვნებისამებრ.
გადაიტანეთ ტაფაში პასტა, აურიეთ და თუშეთ კიდევ 1-2 წუთი, თან ურიეთ.
დაუმატეთ ლორი და ქათმის ფილე, გააგრძელეთ თუშვა კიდევ 2-3 წუთი.
სუფრასთან მიტანამდე მორთეთ დაჭრილი ოხრახუშით.
გემრიელად მიირთვით!
