რაულ თუთარაულმა ბრძოლა 14 წამში მოიგო
რაულ თუთარაულმა „ასა 114“-ის ორგანიზაციის ეგიდით პირველი ბრძოლა 14 წამში მოიგო. ქართველი მებრძოლის მეტოქე ბოსნიელი დრაგოლუბ სტანოიევიჩი იყო.
მეტოქისთვის მიყენებული რამდენიმე უძლიერესი დარტყმის შემდეგ ექიმებმა ბოსნიელისთვის დახმარება სცადეს, თუმცა მან წამოდგომა ვეღარ შეძლო და ოქტაგონიც სამედიცინო პერსონალის დახმარებით დატოვა.
გორელ სპორტსმენს კარიერაში 26 გამარჯვება აქვს მოპოვებული და აქედან 19 შეხვედრა ნოკაუტით მოიგო. გუშინ ამავე ორგანიზაციაში კიდევ ერთმა ქართველმა მებრძოლმა ლევან მაყაშვილმა იჩხუბა და რუმინელ აურელ პირტეასთან მსაჯების გადაწყვეტილებით დამარცხდა.