3 ათასი მეხანძრე-მაშველიდან ინფიცირებულია 173 - საგანგებო სიტუაციების მართვის სამსახური
საგანგებო სიტუაციების მართვის სამსახურის ინფორმაციით, მთელი ქვეყნის მასშტაბით, 3 000 მეხანძრე-მაშველიდან კორონავირუსით ინფიცირებული მხოლოდ 173-ია. მათივე განცხადებით, ინფიცირებულებს შესაბამისი მკურნალობა უტარდებათ, კონტაქტები კი თვითიზოლაციაში გადადიან და 72 საათში PCR ტესტი უკეთდებათ.
"განსაკუთრებულად კონტროლდება სანიტარული და უსაფრთხოების ნორმები სახანძრო-სამაშველო ძალების დეპარტამენტში, რადგან მათ პირდაპირი შეხება აქვთ მოქალაქეებთან. მეხანძრე-მაშველები უზრუნველყოფილი არიან ინდივიდუალური დაცვის ყველა საჭირო საშუალებით. ყოველ შაბათ-კვირას ხდება სახანძრო-სამაშველო ძალების შენობების დეზინფექცია, ხოლო რომელიმე დანაყოფში ინფექციის დადასტურების შემთხვევაში, დაუყოვნებლივ ტარდება არაგეგმიური დეზინფექცია, როგორც შენობების, ასევე, ავტომობილების", - აცხადებენ საგანგებოში
წყარო:newpost.ge
