გიგი წერეთელი: მხოლოდ ხელისუფლების კომპრომისის შემთხვევაშია შესაძლებელი, გარკვეულ შედეგამდე მივიდეთ
მხოლოდ ხელისუფლების კომპრომისის შემთხვევაშია შესაძლებელი, გარკვეულ შედეგამდე მივიდეთ, თუ ქვეყანაში უფრო რთული ვითარების შექმნა არ გვსურს, - აცხადებს „ევროპული საქართველოს“ ერთ-ერთი ლიდერი, გიგი წერეთელი.
„ყოველთვის არსებობს თეორიული შანსი, რომ შეთანხმება შედგეს. ამისთვის, სათქმელად მარტივი, მაგრამ შესასრულებლად რთული რამაა საჭირო - ესაა პოლიტიკური ნება და სურვილი. ამიტომ, ამჯერად, მაშინ, როცა ოპოზიცია აცხადებს, რომ ის არ ხურავს მოლაპარაკებების კარს, ხელისუფლებამ სათანადო გადაწყვეტილება უნდა მიიღოს“ - განაცხადა გიგი წერეთელმა.
ოპოზიცია და მმართველი გუნდი მოლაპარაკებების მეხუთე რაუნდის მოლოდინში არიან. მხარეები იმედოვნებენ, რომ პოზიციების დაახლოებას შეძლებენ. მიუხედავად იმისა, რომ ხელისუფლების ოპონენტებს ახალი არჩევნები სურთ, „ქართულ ოცნებას“ კი, - შეთანხმება არჩევნების გარეშე. მოლაპარაკებების შუამავალმა ელჩმა გუშინ მხარეებს მკაფიოდ უთხრა, რომ უნდა გადაწყვიტონ, როგორ მიაღწიონ შეთანხმებას. წინააღმდეგ შემთხვევაში, მეხუთე რაუნდი ეფექტური ვერ იქნება.
