\'\'მომავალ წელს, ზაფხულში, ასეთ რეჟიმში ნამდვილად არ ვიქნებით\'\'- პაატა იმნაძე
მომავალ წელს, ასეთ რეჟიმში ნამდვილად არ ვიქნებით. ზაფხულშიც არ ვიქნებით ალბათ ასეთ რეჟიმში, - განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილემ, პაატა იმნაძემ „ღამის კურიერში" სტუმრობისას.
პაატა იმნაძის თქმით, დაახლოებით მომდევნო ერთი წელი დისტანციის დაცვა და პირბადის ტარების აუცილებლობა შენარჩუნდება.
„უბრალოდ, ნიღაბი და დისტანცია არსად არ წავა დიდი ხანი. მომავალი წლის ზამთრამდე ნიღაბი და დისტანცია არსად არ წავიდეს, მაგრამ შეზღუდვები აღარ იქნება," - განაცხადა პაატა იმნაძემ.
