გიორგი გახარია - შეზღუდვების რეალური შემსუბუქება შესაძლებელია განხილული იყოს პირველი თებერვლიდან
პრემიერ-მინისტრ გიორგი გახარიას განცხადებით, რეგულაციების შემსუბუქებასთან დაკავშირებული საკითხის განხილვა 1-ელი თებერვლიდანაა შესაძლებელი. ამის შესახებ გიორგი გახარიამ უწყებათაშორისი საკოორდინაციო საბჭოს შემდეგ გამართულ ბრიფინგზე განაცხადა.
„რეალური შემსუბუქება იმისთვის, რომ ეპიდემიოლოგიური მდგომარეობის მართვაში შედარებითი პროგრესი იყოს მდგრადი, შესაძლებელია განხილული იყოს 1-ელი თებერვლიდან. უფრო ადრე ეს ყველაფერი რისკის ქვეშ აყენებს იმ ძალიან ფრთხილ მიღწევებს, რომელიც ჩვენ გვაქვს“,- განაცხადა გახარიამ.
