ინდონეზიაში მიწისძვრის შედეგად გარდაცვლილთა რაოდენობა გაიზარდა
ინდონეზიაში დამანგრეველ მიწისძვრას 45 ადამიანი ემსხვერპლა. კუნძულ სულავესიზე 6.2 მაგნიტუდის სიმძლავრის მიწისძვრის შედეგად 820-ზე მეტი ადამიანი დაშავდა და 15 000 ადამიანი ევაკუირებული იქნა.
სულავესის კუნძულზე 6.2-ი მაგნიტუდის სიმძლავრის მიწისძვრა გუშინ მოხდა. დაინგრა და დაზიანდა სახლები, გზები, ხიდები, საკომუნიკაციო ქსელები.
ადგილზე სამაშველო სამუშაოები გრძელდება. არ არის გამორიცხული, რომ მსხვერპლის რაოდენობა კიდევ უფრო გაიზარდოს.
