კორონავირუსის ბრიტანული შტამი უფრო მეტად სასიკვდილოა - BBC
კორონავირუსის ახალი შტამი, რომელიც წლის დასაწყისში დიდ ბრიტანეთში აღმოაჩინეს, არამხოლოდ უფრო სწრაფია, არამედ, შესაძლოა, ბევრად სახიფათოც იყოს. ამის შესახებ დიდი ბრიტანეთის პრემიერ-მინისტრმა, ბორის ჯონსონმა განაცხადა. ინფორმაციას BBC-ის რუსული სამსახური ავრცელებს.
"შეგვატყობინეს, რომ უფრო სწრაფად გავრცელების გარდა, ჩანს, რომ ლონდონში და ქვეყნის სამხრეთ-აღმოსავლეთში აღმოჩენილი ახალი შტამი, შესაძლოა დაკავშირებული იყოს უფრო ხშირ სიკვდილიანობასთან", - აცხადებს ჯონსონი.
მისივე თქმით, შემუშავებული ვაქცინები ეფექტიანია კორონავირუსის როგორც ძველ, ასევე ახალი ვარიანტის წინააღმდეგ.
შეგახსენებთ, რომ covid-19-ის ბრიტანული შტამი, მსოფლიოს 60 ქვეყანაში უკვე დაფიქსირებულია.
