მექსიკის პრეზიდენტს კორონავირუსი დაუდასტურდა
მექსიკის პრეზიდენტს, მანუელ ლოპეს ობრადორს კორონავირუსი დაუდასტურდა. ინფორმაციას ამის შესახებ თავად მექსიკის პრეზიდენტი ავრცელებს.
„სამწუხაროდ, გაცნობებთ, რომ კორონავირუსით ინფიცირებული ვარ. სიმპტომები მსუბუქია, მაგრამ უკვე მკურნალობა დავიწყე. როგორც ყოველთვის, ოპტიმისტურად ვარ განწყობილი. ამ სიტუაციიდან ყველანი გამოვალთ“, - დაწერა მექსიკის პრეზიდენტმა Twitter-ზე.
